نهاية الدجال
طب ازاى الواحد يقى نفسه من فتنة المسيح الدجال ؟؟
1- نعرف كويس اسماء الله وصفاته فالدجال اعور والله سبحانه وتعالى جميل منزه عن العيوب ( ليس كمثله شئ وهو السميع البصير ) ♥ ♥
2- حفظ العشر ايات الاولى من سورة الكهف قال صلى الله عليه وسلم ( من حفظ عشر ايات من اول سورة الكهف عصم من الدجال ) وفي رواية (من حفظ عشر آيات من آخر سورة الكهف عصم من فتنة الدجال ) فاحنا نحاول نحفظ السورة كلها بقى .
طيب سؤال اشمعنا سورة الكهف ؟
3- التحذير منه ونعرف باخباره وصفاته وازاي نقي نفسنا من فتنته ونعرف بعضنا بيه عرف غيرك يمكن غيرك ميعرفش .
4- نقوي ايماننا بالله ونتعلم العلم الشرعى .
لما قلنا قصة الشاب الي هيواجه الدجال كان اهم صفة فيه ايه ؟ (( العلم )) كان عالم باحاديث النبى وعرف ان ده الدجال .
5- الاستعاذة بالله من فتنته بعد التشهد الاخير من كل صلاة قال صلى الله عليه وسلم ( اذا فرغ احدكم من التشهد الاخير فليتعوذ بالله من اربع : من عذاب جهنم ومن عذاب القبر ومن فتنة المحيا والممات ومن شر المسيح الدجال )
6- الدعاء ان ربنا يعصمنا ويحمينا
طب لو حد سمع انه طلع ( ربنا يعيذنا منه ) يعمل ايه ؟؟
قال صلى الله عليه وسلم ( من سمع بالدجال فلينأ عنه فوالله ان الرجل لياتيه وهو يحسب انه مؤمن فيتبعه مما يبعث به من الشبهات )
- اللجوء الى الحرمين الحرم المكي والنبوي فزي ما قلنا قبل كده ان الدجال مش هيقدر يدخلهم
طب لو معرفش يهرب بقى ؟؟
- الي يشوف ناره الي هي جنة يستغيث بربنا سبحانه وتعالى ويغمض عينه وينزل راسه ويشرب فناره ماء بارد
اللهم اعصمنا من فتنة المسيح الدجال اللهم املا قلوبنا ايمانا حتى لا يؤثر فينا الدجال يارب العالمين .
طيب انا دلوقتى هتفتن ازاى وانا عارف مين هوه الدجال وايه صفاته !!
طيب مافى ناس مسلمه بتلحد ( اعوذ بالله ) وفيه ناس عارفه ان الرشوه حرام ومع ذلك بتلاقى ليها المبرر والسبب اللى بيخليها فى نظرك شئ عادى فى الاخر , وفيه مسلم بيشرب الخمر وفيه مسلم بيزنى وفيه مسلم بيكذب وفيه مسلم بيسرق وفيه مسلم بيسب الدين وهوه متجاهل ان هوه كده كفر بالله , وفيه مسلمين ساعات بيروحوا عند دجالين علشان يعملوا سحر !
ليه مستغرب بقه ان هيكون فيه مسلمين هيصدقوا وهيتبعوا المسيخ الدجال ؟! وليه مستغرب ان فيه مسلمين هيصدقوا الفتنه بتاعته ؟!!
عارف ليه لازم متستغربش ؟!! لان فيه فرق كبييير بين مسلم عارف دينه كويس ومسلم تانى جاهل بدينه , مسلم ايمانه قوى ومسلم ايمانه ضعيف !
انته لو اتعذبت علشان تسيب دينك احتمال كبيير اووى فى مننا اللى فعلا هيسيب دينه , وفيه مننا اللى هيموت وهوه بيتعذب من غير ما يسيب دينه ولو للحظه واحده بس .
النهاية
الكلام ده مهم جدااااااا انسى اسمك ولا تنسااااه بجد
ده كله بحث وجهد من اهل العلم فمنهم مجتهد مصيب فله اجران ومنهم مجتهد مخطئ فله اجر واحد والعلم الكامل المطلق لله عز وجل ♥
اللهم إن أخطأت فمن نفسي والشيطان وإن أصبت فمنك وحدك لك الحمد والشكر استغفرك واتوب اليك .
ليست هناك تعليقات:
إرسال تعليق