السلام عليكم , فى الفترة الاخيرة لقيت الناس بتسأل بعضها عن اسأله غريبه شويه , بس صح انها تتسأل والمفروض يتجاوب عليها اجابه منطقيه , مش الاجابات التانيه اللى هيا زى ( انته هتكفر او حراام تسأل السؤال ده او انته اكيد ملحد .. الخ وطبعا كل دى اجابات فتى وهبد علشان اللى بيتسأل اما تفكيره عقيم او مش عارف يجاوب فبيهرب من السؤال )
الاسأله دى زى مثلا
1 - ربنا اتخلق ازاى
2 - ازاي يوم القيامة الشمس هتبقي فوق رؤوسنا مع ان الارض كروية
3 - هوه ازاى ربنا كاتبلنا قدرنا واللى احنا هنعمله وازاى هيجى فى الاخر ويحاسبنا على الحاجات دى
4 - مش ممكن مثلا بعد الموت ميبقاش فيه حياه تانيه ولا حساب ؟
2 - ازاي يوم القيامة الشمس هتبقي فوق رؤوسنا مع ان الارض كروية
3 - هوه ازاى ربنا كاتبلنا قدرنا واللى احنا هنعمله وازاى هيجى فى الاخر ويحاسبنا على الحاجات دى
4 - مش ممكن مثلا بعد الموت ميبقاش فيه حياه تانيه ولا حساب ؟
وطبعا فيه اسأله تانيه كتيييييييييير بتتسأل !! بس هنكتفى بس بالاربعة اسأله دى
طبعا انا مش ازهرى ولا مفتى جمهورية ولا اى حاجه زى كده , انا مجرد واحد مسلم وبحاول انى اصلى من غير ماقطع الصلاه , وبنزل مع صحابى وبنبقى كلنا كلاب بحر فى الخروجات 😂😂
بس جت فى دماغى اسأله زى دى ودورت كتير لغايت لما لقيت اجابه مقنعه بس عاوزه شوية ايمان علشان انت تقتنع بيها اكتر
اول حاجه تعالوا نقول مجازا ومثالا تمهيدا للمعلومة بس مش اكتر وطبعا انا مؤمن بربنا وبالقرءان الكريم وبرسله , تعالوا نقول ان القرءان ده كدب وانه من تأليف البشر ومفيش حاجه اسمها اساسا اديان , حلو كده !! تمام
تعالوا بقه نسيبنا من حكاية الاديان دى شويه ونبص للعلم بتاعنا اللى احنا اكتشفناه فى الكوكب ده اللى احنا عايشين عليه اللى اتنشأ طبقا لنظرية دراون وبحر الشوربه ( طبعا بهزر 😂😂 بس فى نفس الوقت بحاول اتكلم على اساس انى شخص استغفر الله العظيم يعنى ملحد )
العلم اكتشف ايييييه ؟!!!
اولا :- العلم اكتشف ان النجم ليه صوت !!!
لا طبعا , بس العلم فعلا اكتشف ان فيه نجوم نيوترونية مش بتصدر صوت , بتصدر موجات اشعاعية عبارة عن اطياف غير مرئية للاشعة تحت الحمراء , بيتم رصدها بواسطة التلسكوبات السينية او الرادوية .
لهذه النجوم مجال مغناطيسي قوي بيأثر في اتجاه الاشعاع
النجوم دى بتدور بشكل فائق السرعه يصل ل 600 دوره فى الثانيه !! دروانها يجعل اشعاعها يبدو قويا عندما تواجه تلسكوبات الرصد ثم يتلاشى عندما تبتعد عن مواجهته فراغيا.
النجوم دى بتدور بشكل فائق السرعه يصل ل 600 دوره فى الثانيه !! دروانها يجعل اشعاعها يبدو قويا عندما تواجه تلسكوبات الرصد ثم يتلاشى عندما تبتعد عن مواجهته فراغيا.
ولأن تسجيل موجات الاشعاع من قبل الراصد يصبح دوريا لهذا السبب فإنه وباستخدام المعالجة الحاسوبية يتم محاكاتها بصوت كصوت القلب مثلا او المطرقة . لذلك وكالة ناسا نفسها سميت النجم النيتروني بالنجم النابض .
قال الله تعال فى قرءانه الكريم
(وَالسَّمَاءِ وَالطَّارِقِ (1) وَمَا أَدْرَاكَ مَا الطَّارِقُ (2) النَّجْمُ الثَّاقِبُ (3) )
سورة الطارق
طيب هنقول ان ده مجرد مصادفه او اكاذيب ليس لها من اساس وان ناسا دى حبت تطبل للمسلمين شويه علشان دينهم هش وضعيف
العلم اكتشف ايه كمان ؟!!
ثانيا :- المياه فى جسم الانسان
جيت بعد الغدا عملتلك كوباية شاى , ولسه جاى تشرب اول شفطه منه 😂 لقيت الشاى تقيل ونسيت انك حطيت معلقه شاى بدل نص معلقه شاى , هتعمل ايييه ؟
هتقوم طبعا تزود الكوبايه مايه علشان الشاى يتخفف , صح ولا غلط ؟!!!
هل انته شيلت الشاى من الكوبايه ؟ لا طبعا !!
انته زودت شوية مايه فخففت الشاى , صح ؟ تمام
لما بتتعب شويه والضغط يوطى بتروح تعلق محاليل ؟ صح ؟!!
ولما بتكون عطشان بتشرب مايه , ولما بتيجى تطبخ بتحط مايه فى الاكل ؟ صح ؟!
وطبعا اللى فى طب عارف ان الدم ليه نسبة سيولة محددة ولو زادت الميه فيه الدم يفقد خصائصه جزئيا ويموت الانسان , لان اللى حصل فى كوباية الشاى هيحصل فى جسمك , انك تيجى تشرب كوباية مايه فالمايه تدخل على دمك فتخفف دمك بكل المعادن والاملاح اللى فيه من صوديوم وبوتاسيوم وحديد وبكده انته روحت فى داهية .
طيب ليه المحاليل والمايه اللى بتتشرب والمايه اللى بتتاكل مع الاكل دى مش بتخفف الدم وبتموت الانسان ؟؟؟؟؟؟
قالولك بقه ياسيدى ان جسم الانسان من المستحيل يحتفظ بالمايه وده لان فيه اربع مراكز او اعضاء مسئولة عن اخراج الماء من الجسم !! المخ والقلب والكبد والكلى
يعنى الكوبايه اللى شربتها لااازم تنزلها بمزاجك او غصب عنك 😂😂
اما عرق او بول او بخار ميه او نسبه بتنزل مع البراز
يعنى مثلا اللى عنده هبوط فى القلب رجليه بتبقى ورمه , واللى عنده تليف كبدى بيجيله استسقاء , واللى عنده فشل كلوى بيشيلوا منه المايه بماكينه , لان فى الحالات دى الجسم بيدخله مايه ومش بيعرف يخرجها !!
قال الله تعال فى كتابه الكريم
( فَأَنْزَلْنَا مِنَ السَّمَاءِ مَاءً فَأَسْقَيْنَاكُمُوهُ وَمَا أَنْتُمْ لَهُ بِخَازِنِينَ) [الحجر: 22].
ابحاث استمرت كتيير اتلخصت فى ايه مكملتش سطر
فيه كتاب اسمه Water عباره عن 1000 صفحه بيتكلم عن المايه بس وازاى بتدخل الجسم وازاى بتخرج منه , وجت الايه دى لخصت الف صفحه , ( الكلام ده انا عرفته وبحثت عنه واتأكدت من وجوده بعد ماسمعت حلقه لأستاذ دكتور / حسام موافى استاذ فى القصر العينى طب حالات حرجه )
طيب هنقول ان كل الناس عارفه المعلومه دى وان دى مش محتاجه اى علوم وابحاث وان الناس لما بتتبول عرفت ان الميه بتخرج من الجسم وبطريقة ما اكتشفوا ان فيه اعضاء مسئوله عن العمليه دى فى زمن كانوا بيعبدوا الاصنام على انها الهة 😂
طب ممكن ندخل فى اكتشاف تانى اكتشفه العلم ؟
ثالثا :- الجنين والاعضاء التناسلية
كلنا عرفنا من العلم ان ( المني ) إنما يتكون في الخصية وملحقاتها , كما تتكون البويضة في المبيض لدى المرأة , طب تعالوا نوضح اكتر بأسلوب علمى
الجنين بيتكون ازاى اجهزته التناسلية ؟!!!
إن الخصية والمبيض إنما يتكونان من الحدبة التناسلية بين صلب الجنين وترائبه , والصلب هو العمود الفقري والترائب هي الأضلاع , وتتكون الخصية والمبيض في هذه المنطقة بالضبط , أي بين الصلب والترائب , لغايت كده متابعين معايا وفاهمين ؟ جميل جدا
ثم تنزل الخصية تدريجيا حتى تصل إلى كيس الصفن (خارج تجويف البطن) في أواخر الشهر السابع من الحمل ، بينما ينزل المبيض إلى حوض المرأة .. ,
ومع هذا فإن تغذية الخصية والمبيض بالدماء والأعصاب واللمف تبقى من حيث أصلها ، أي من بين الصلب والترائب , فشريان الخصية أو المبيض يأتي من الشريان الأبهر ( الأورطي البطني ) من بين الصلب والترائب , كما أن وريد الخصية يصب في نفس المنطقة ، أي بين الصلب والترائب , كما أن الأعصاب المغذية للخصية أو للمبيض تأتي من المجموعة العصبية الموجودة تحت المعدة من بين الصلب والترائب , وكذلك الأوعية اللمفاوية تصب في نفس المنطقة ، أي بين الصلب والترائب .
فهل يبقى بعد كل هذا شك أن الخصية أو المبيض إنما تأخذ تغذيتها ودماءها وأعصابها من بين الصلب والترائب ؟!!
طب لما الرجل والمرأة يكبروا ايه اللى بيحصل ياسيدى ؟
الحيوانات المنوية لدى الرجل أو البويضة لدى المرأة إنما تستقي او تأخذ مواد تكوينها من بين الصلب والترائب , كما أن منشأها ومبدأها هو من بين الصلب والترائب من ايام ما كان او كانت لسه جنين
الحيوانات المنوية لدى الرجل أو البويضة لدى المرأة إنما تستقي او تأخذ مواد تكوينها من بين الصلب والترائب , كما أن منشأها ومبدأها هو من بين الصلب والترائب من ايام ما كان او كانت لسه جنين
طب خدوا الكبيره بقى
والعلم الحديث يقرر أن الماء الذي لا يقذف ولا يندفع وإنما يسيل.. ما هو الا إفرازات المهبل وغدد بارثولين المتصلة به ، وأن هذه الإفرازات ليس لها دخل في تكوين الجنين ، وإنما وظيفتها ترطيب المهبل.. زى الفل اوووى
ولكن العلم الحديث يكشف شيئا مذهلا ؛ أن الحيوانات المنوية يحملها ماء دافق هو ماء المني , كذلك البويضة في المبيض تكون في حويصلة " جراف " محاطة بالماء ، فإذا انفجرت الحويصلة تدفق الماء.. وتلقفت أهداب البوق البويضة لتدخلها إلى قناة الرحم حيث تلتقي بالحيوان المنوي لتكون النطفة الأمشاج.. هذا الماء يحمل البويضة تماما كما يحمل ماء الرجل الحيوانات المنوية , كلاهما يتدفق , وكلاهما يخرج من بين الصلب والترائب : من الغدة التناسلية ؛ الخصية أو المبيض .
يعنى كده اصبح عندنا ماء دافق من الخصية يحمل الحيوانات المنوية , وماء دافق من حويصلة " جراف " بالمبيض يحمل البويضة "
قال الله تعالى فى كتابه العزيز
( فَلْيَنظُرِ الْإِنسَانُ مِمَّ خُلِقَ (5) خُلِقَ مِن مَّاءٍ دَافِقٍ (6) يَخْرُجُ مِن بَيْنِ الصُّلْبِ وَالتَّرَائِبِ (7) )
سورة الطارق
( نفس السوره اللى شرحنا فيها فووق اعجاز النجم الطارق واللى قولنا انها ممكن تكون صدفه او كدبه )
لاحظوا ان اللى كتب القرءان قال بين الصلب والترائب وليس من الصلب والترائب , يعنى وصفها ووصف مكانها بالتفصيل
هل الكلام ده ممكن يكون صدفه او كدب برضو ؟ هل الكلام ده كله ممكن يكون تأليف وشعر ؟!!! استحاااااااااااااااااااااااااله
انا اتكلمت بالعلم اللى الملحد مؤمن بيه وبعد سطور كتابه كنت باجى فى الاخر احط سطر كده بأية من القراءان الكريم كدليل على مصداقية القرءان
طب هل ينفع ان انسان يقول على حاجات زى دى فى عصر زى اللى كان عايش فيه سيدنا محمد ( ص ) واللى هوه قبل حوالى 1500 عام ؟ مظنش
طبعاااااااااااااااااااااااااا فيه معجزااااات كتيييييير جدااا لسه متكلمناش عليها علشان البوست طول اوووى 😂😂😂
اللى قال الكلام ده هوه نفس اللى خلق الانسان والكون , لان سيادتك لو اخترعت وصنعت اله هتبقى عارف عيوبها ومميزاتها وايه اللى بيضرها وايه اللى بيفيدها , وبتبقى عارف كل حاجه عنها , صح ولا غلط ؟
اذا ده فعلا كلام من عند ربنا سبحانه وتعاله , اذن ربنا موجود وسيدنا محمد هوه رسول الله , اذن بدال الكلام ده بتاع ربنا واحنا اتأكدنا منه اذا اى حاجه بيزكرها القرءان الكريم هيا صح مش غلط , بس الفرق بس ان فيه حاجات فى القرءان محدش اكتشفها حتى الان زى الحياة الاخرى والجنة والنار , بس احنا كده متأكدين ان الحاجات دى موجوده حتى لو الحاجات دى لسه محدش اكتشفها
وده بيجاوب على الاسئله اللى فوق
1 - ربنا اتخلق ازاى ؟ ربنا قال فى سورة الاخلاص
بِسْمِ اللَّهِ الرَّحْمَنِ الرَّحِيمِ
قُلْ هُوَ اللَّهُ أَحَدٌ (1) اللَّهُ الصَّمَدُ (2) لَمْ يَلِدْ وَلَمْ يُولَدْ (3) وَلَمْ يَكُنْ لَهُ كُفُوًا أَحَدٌ (4)
بالمناسبة ده معناه ان سيدنا عيسى مش ابن الله !! بل هوه نبى الله
2 - ازاي يوم القيامة الشمس هتبقي فوق رؤوسنا مع ان الارض كروية ؟ ربنا قال فى سورة ابراهيم
بِسْمِ اللَّهِ الرَّحْمَنِ الرَّحِيمِ
يَوْمَ تُبَدَّلُ الْأَرْضُ غَيْرَ الْأَرْضِ وَالسَّمَاوَاتُ ۖ وَبَرَزُوا لِلَّهِ الْوَاحِدِ الْقَهَّارِ (48)
3 - هوه ازاى ربنا كاتبلنا قدرنا واللى احنا هنعمله وازاى هيجى فى الاخر ويحاسبنا على الحاجات دى ؟
هنا بقه هقدر اقولك ان الموضوع عامل زى ايه !!
انته ربنا كتبلك انه يكون قدامك شارعين لو مشيت فى الشارع الاول هتوصل بالسلامه ولو مشيت فى الشارع التانى هتقع فى بلاعة 😂 , ده كده قدرك ونصيبك واختيارك محدش اتدخل فيه
تيجى بقه الحاجه تدعيلك دعوه حلوه كده وهيا فى البيت وتقول ربنا يحميك ويوصلك بالسلامه , وربنا استجاب لدعوتها , فانت بدال ماكنت هتمشى فى الطريق ابو بلاعه ده , هتلاقى مثلا واحد صاحبك نده عليك وقالك ماتيجى نمشى من الشارع التانى احسن علشان عاوز اكلمك فى موضوع كده واهو بالمره توصلنى للبيت 😂😂 , وبكده الدعاء غير القدر
انته ربنا كتبلك انه يكون قدامك شارعين لو مشيت فى الشارع الاول هتوصل بالسلامه ولو مشيت فى الشارع التانى هتقع فى بلاعة 😂 , ده كده قدرك ونصيبك واختيارك محدش اتدخل فيه
تيجى بقه الحاجه تدعيلك دعوه حلوه كده وهيا فى البيت وتقول ربنا يحميك ويوصلك بالسلامه , وربنا استجاب لدعوتها , فانت بدال ماكنت هتمشى فى الطريق ابو بلاعه ده , هتلاقى مثلا واحد صاحبك نده عليك وقالك ماتيجى نمشى من الشارع التانى احسن علشان عاوز اكلمك فى موضوع كده واهو بالمره توصلنى للبيت 😂😂 , وبكده الدعاء غير القدر
شوفت بقه الكلام اللى فوق ده كله ؟!! ربنا عارفه وعارف هيحصل امته من قبل ما تتولد اساسا 😃
فانت مخير فى الامور بتاعتك , بس فى نفس الوقت ربنا عارف انته هتعمل ايه وايه اللى هيحصل
فانت مخير فى الامور بتاعتك , بس فى نفس الوقت ربنا عارف انته هتعمل ايه وايه اللى هيحصل
4 - مش ممكن مثلا بعد الموت ميبقاش فيه حياه تانيه ولا حساب ؟
السؤال ده بقه هسيبكوا تعرفوا اجابته ايه مع نفسكم
السؤال ده بقه هسيبكوا تعرفوا اجابته ايه مع نفسكم
معلش طولت عليكم بس الموضوع فعلا يستاهل الكلام فيه وشرحه بالتفصيل 😍
فضلت اكتب 3 ساعات متواصلة فى الموضوع ده عسى ان المعلومه توصل للناس ولنا ولكم عظيم الاجر والثواب
فضلت اكتب 3 ساعات متواصلة فى الموضوع ده عسى ان المعلومه توصل للناس ولنا ولكم عظيم الاجر والثواب
ليست هناك تعليقات:
إرسال تعليق