اتكلمنا فى الجزء الاول عن المسيح الدجال او المسيخ الدجال , وعرفنا هوه مين ؟ وعلاقته بأبن صياد ؟ ومين شافه ؟ وايه الحوار اللى دار بين الدجال والقوم اللى شافوه ؟ ومن اين سيخرج ؟
فى الجزء ده والجزء الثالث ( الجزء الاخير ) هنكمل باقى الاسئله الخاصة بيه وده منعا للاطاله والملل .
هيخرج الدجال اول ما ربنا يأذنله وسبب خروجه انه هيغضب غضبة فتتحطم السلاسل المقيد بيها .
قال صلى الله عليه وسلم في حديث حفصة:" إنما يخرج من غضبة يغضبها" ومذكرش حاجة عن سبب الغضبة دى .
وهيكون خروجه من جهة المشرق من اصبهان الي موجودة في اقليم خراسان ( ودي موجودة في ايران ) وحاليا فيها حوالي 30 الف يهودي اذا مكنش ازيد
ووقت ما يخرج الدجال اول اتباعه هيكونوا 70 الف من يهود اصبهان عليهم الطيالسة
عليهم الطيالسة دى يعنى لابسين حاجة كده زى شال مخطط بينزل على كتفهم لغاية نص رجليهم , وده بالمناسبه رداء بيلبسه المتديين من اليهود واهل الدين عندهم .
اليهود مستنين الدجال اصلا وعندهم في عقيدتهم الدجال ده هو المسيح المنتظر وهو الي ربنا هيبعتهولهم ويقيم لهم دولة اليهود .
حتى من ضمن الي مذكور في كتبهم انه الدجال لو ظهر هيخلي لكل يهودي 1800 خادم ويخليله امواااال واطعمممة وكل حاجة وهيخلي السلطة اليهود .. لا حول ولا قوة الا بالله اللهم ثبتا على الدين والعقل .
ده غير بقى اتباعه الي هيتبعوه لما يبدا يفتنهم ويخدعهم من الكفار والمنافقين والجهلة الي معندهمش علم ولا دراسة :( وهيتبعه ستاااات كتييييير .
طبعا ده هيحصل بحكم سرعة تأثرهم وعاطفتهم وقلوبهم الرهيفة الي هتوديهم في داهية .
لدرجة انه من شدة خوف الرجالة عليهم كل رجل هيربط الستات الي في بيته , سواء مامته اخته مراته عمته خالته عشان ولا واحدة تطلع
وهيتبعه كمان اقوام قال عنهم الرسول وجوههم كالمجان المطرقة , والمجن الي هو الترس الي بيستخدموه في الحرب (البتاع الي بيحتموا به من السيوف عامل زي هيكل السلحفاة الي فوقها .. حاجة زي كده )
والمطرقة ده صفة للترس ده فالقوم دول رؤوسهم قصيرة ووجوهم بيضاوية او مدورة وعريضة ومليانة لحم .
الدجال هيفضل في الارض مدة اربعين يوم .
يوم كأنه سنة كاملة ويوم كأنه شهر ويوم كأنه جمعة وال 37 يوم الباقيين هيكونوا ايام طبيعية .
في حاجة مهمة لازم اذكرها هنا لما الرسول ( ص ) قال للصحابة على اليوم الي كأنه سنة كاملة سالوا النبي علطول .. تخيلوا كان ايه سؤالهم ؟؟
محدش فيهم سأل ازاي يعني الشمس هتطلع امتى وتغرب امتى !!طب الشمس هيبقى لونها ايه!! طب الساعات ازاي طب هيبقى حر ولا برد!! طب هيبقى صيف ولا شتاء!!
لالالا الناس دي بتسال الاسئلة الي تفيدها في دينها .
قالو يا رسول الله اليوم الي هيبقى سنة كاملة هيكفينا فيه صلاة يوم واحد ؟؟ ازاي نصلي كانه يوم عادي ؟؟ شايفين السؤال !! قد ايه الناس دي عظيمة كل همهم الصلاة قلوبهم متعلقة بربنا وبالصلاة اشد التعلق (رضي الله عنهم جميعا ) ♥ قال تعالى ( وانها لكبيرة الا على الخاشعين ) ♥ .
فجاوب الرسول وقتها وقلهم ( لا اقدروا له قدره ) بمعنى اتوقعوا امتى هيكون وقت الصلاة .
المهم نكمل بقيت موضوعنا , المسيح الدجال هيجوب كل البلاد بسرعة رهيبة جدا .
يقول صلى الله عليه وسلم كالغيث استدبرته الريح الا مكة والمدينة ميقدرش يدخلهم لان هناك ملائكة تحرسها , معاهم سيوف فيجى الدجال على ابواب المدينة على ارض قرب المدينة يابسة ويشاور ويقول لاتباعه ؟ اترون هذا القصر الابيض ؟ هذا مسجد احمد . ويحاول يدخلها فالملائكة تمنعه .
وتتهز المدينة 3 هزات فيخرج منها كل منافق وكافر ويروحوا يتبعوه .
ربنا هيديله قدرات خااااارقة هيقدر يعملها باذن ربنا طبعااا عشان ربنا يختبر الناس فالضالين يتبعوه .
( والمؤمنين لما يشوفوه يزدادو ايمان مع ايمانهم )
هيدعي الربوبية ويقول للناس انا ربكم اعبدوني .
وفي حديث الرسول بيقول ( انه أعور، وإن ربكم ليس بأعور).
فتنته بقى اللى هيفتن بيها الناس انه هيروح على الارض الخربة الي مفهاش حاجة فيقلها اخرجي كنوزك فتتفجر الارض بالذهب والفضة وتتبعه الكنوز دي وكانها مجموعات نحل بتجري وراه فالناس يقفوا مذهولين فيقلهم الست بربكم ؟ شوفوا الارض اهي كنوزها بتتبعني ! .
ويمر على ناس فيدعوهم ويقلهم انا ربكم اعبدونى فميصدقهوش فيصحوا تانى يوم وارضهم قحط يابسة مفهاش أى خضرة ولا ثمار وانعامهم ومواشيهم تموت واموالهم تنقص .
ويروح على ناس تانية ويدعوهم فيصدقوه فيصبحوا تانى يوم يلاقوا ارضهم خضراء ومليانة مواشى وانعام كتيير شعرها غزير ومليانة لحم وفيها لبن كتيير .
شايفين قد ايه اختبار صعب ؟!!!!!!
يأمر السماء فتمطر والارض فتنبت ( كل ده باذن ربنا طبعااا ) .
ويعدي على الجاهل ويقله لو بعثتلك امك واباك هتصدق وتؤمن اني ربك ؟
فيقله ايوه فيأمر الدجال شيطانين فيتمثلوا في صورة امه واباه ويكلموه بطبيعة الام والاب بحنان وبعطف ويقلوله امن به فانه ربك ! فيصدقه ويتبعه .
ويجى شاب طالب علم يروح للدجال فيسأله الحراس بتوع الدجال انت رايح فين ؟ فيقلهم الى الدجال الكذاب لاقتله , فيقولوا له انت مش بتؤمن بربنا ؟؟
فيقلهم ما بربنا خفاء !! انا بؤمن بربنا من اول ما اتولدت وعارف صفات ربنا كلها صفات كاملة مطلقة عظيمة له الاسماء الحسنى والصفات العلى ♥ , وتريدوا منى ان اؤمن بالدجال الاعور ؟!!! لا والله.
فيطلع حارس سيفه عشان يقتله فيقله التانى لا ربنا (يقصدوا الدجال الي بيعبدوه ) ما امرناش نقتل حد الا بعلمه , فيمسكوه ويودوه للدجال فيقله الدجال الا تؤمن بى ؟؟
فيقله انت المسيح الكداب .
ماهو الشاب عارف و قرا بين عينه كلمة كافر او كفر وعارف صفاته من الرسول كويس وايمانه قوي جدااا .
فيقرب منه الدجال عشان يقتله ويقول لاتباعه لو قتلته واحييته هتؤمنوا بيا ؟؟ فيقولوه نعم فيقسمه الدجال نصين حتة في اليمين وحتة في الشمال قيل بسيف وقيل بمنشار ويمشي الدجال بين النصين ويقول قم فيتجمع النصين ويعود الشاب للحياة مرة اخرى .
والله هو الذى احياه اختبارا للناس .
ويقف الشاب فيسأله الدجال اامنت بي ؟؟ فيرد ويقله والله ما ازددت بك الا يقينا انت المسيح الكداب .
فيأخذ الدجال سكين عشان يدبحه ويتقاتل معاه فربنا يخلى رقبة الشاب نحاس فيحط الدجال السكين فمتدبحش النحاس .
فيأخذه الدجال ويرميه فى ناره الى هى جنة ويلف الشاب للناس وهو فى الجنة ويقلهم متصدقهوووش ده الدجال والله مش هيقدر يعمل فى حد كده الا انا لان الله جعله يقدر يعمل كده فى حد واحد بس فلو جرب يعمل كده تانى مش هيقدر ابداا .
الدجال معاه جنة ونار وناره جنة يعني الي يشوفها يلاقيها نار مشتعلة بس في الحقيقة هي برد وسلام , وجنته نار يشوفها الناس خضراء وحلوة وهى نار بتشتعل عذاب .
والرسول امرنا لو حد ادرك الدجال انه يتعوذ بالله من فتنته ويغمض عينه وينزل راسه ويشرب من ناره فناره ماء باااارد .
فقد ايه فتنته عظيمة جدا , ربنا هيديله قدرات غير عادية تبهر العقول عشان محدش ينجو الا اهل الايمان واليقين .
مفيش فتنة من اول خلق سيدنا ادم الى قيام الساعة اعظم من فتنة المسيح الدجال .
يقول الرسول " مَا بَيْنَ خَلْقِ آدَمَ إِلَى قِيَامِ السَّاعَةِ خَلْقٌ أَكْبَرُ مِنْ الدَّجَّالِ "
ولشدة عظم فتنته مفيش نبى الا وحذر قومه منه وكانوا اشدهم تحذير الرسول صلى الله عليه وسلم .
وقال صلى الله عليه وسلم انا اعلم بما مع الدجال منه .
ربنا عرف الرسول حاجات عن الدجال الدجال نفسه ميعرفهاش واخبر الرسول بيها اصحابه كتييير لدرجة ان الصحابة كانوا بيتكلمو عنه فى مسجد الرسول فخرج عليهم وسألهم فيماذا تتحدثون ؟
قالوا يارسول الله نتحدث عن الدجال قد اكثرت علينا فيه يعني كلمتنا عنه كتييير جدا كلمتنا عنه وانت على منبرك وانت في مسجدك واحنا رايحين نغزو حتى ظننا الدجال في اطراف النخل يعني افتكرناه قرب من المدينة قَالَ : (" غَيْرُ الدَّجَّالِ أَخْوَفُنِي عَلَيْكُمْ , إِنْ يَخْرُجْ وَأَنَا فِيكُمْ فَأَنَا حَجِيجُهُ دُونَكُمْ , وَإِنْ يَخْرُجْ وَلَسْتُ فِيكُمْ فَامْرُؤٌ حَجِيجُ نَفْسِهِ .... )
يعني لو طلع وانا موجود بينكم انا المسؤول عن الكلام معاه واسكاته ولو مكنتش فيكم فكل واحد مسؤوول عن نفسه.
حبيبنا الرسول عليه افضل الصلاة والسلام مات وكل واحد مننا مسؤول عن انه ينجي نفسه منه فعشان كده لازم نعرف عنه نعرف صفاته نعرف فتنته نعرف ازاي نقي نفسنا من الفتنة دي
( ... ياحبيبي يارسول الله قد ايه خوفه على امته وحرصه الشديد عليها عليه وكمية الرحمة على امته عليه افضل الصلاة واتم التسليم ♥ ♥ ... بابي انت وامي يارسول لله ♥ ♥ )
فى الجزء ده والجزء الثالث ( الجزء الاخير ) هنكمل باقى الاسئله الخاصة بيه وده منعا للاطاله والملل .
الدجال هيخرج ازاى ؟
قال صلى الله عليه وسلم في حديث حفصة:" إنما يخرج من غضبة يغضبها" ومذكرش حاجة عن سبب الغضبة دى .
وهيكون خروجه من جهة المشرق من اصبهان الي موجودة في اقليم خراسان ( ودي موجودة في ايران ) وحاليا فيها حوالي 30 الف يهودي اذا مكنش ازيد
ووقت ما يخرج الدجال اول اتباعه هيكونوا 70 الف من يهود اصبهان عليهم الطيالسة
عليهم الطيالسة دى يعنى لابسين حاجة كده زى شال مخطط بينزل على كتفهم لغاية نص رجليهم , وده بالمناسبه رداء بيلبسه المتديين من اليهود واهل الدين عندهم .
طب اشمعنا اليهود اول اتباعه ؟؟
حتى من ضمن الي مذكور في كتبهم انه الدجال لو ظهر هيخلي لكل يهودي 1800 خادم ويخليله امواااال واطعمممة وكل حاجة وهيخلي السلطة اليهود .. لا حول ولا قوة الا بالله اللهم ثبتا على الدين والعقل .
ده غير بقى اتباعه الي هيتبعوه لما يبدا يفتنهم ويخدعهم من الكفار والمنافقين والجهلة الي معندهمش علم ولا دراسة :( وهيتبعه ستاااات كتييييير .
طبعا ده هيحصل بحكم سرعة تأثرهم وعاطفتهم وقلوبهم الرهيفة الي هتوديهم في داهية .
لدرجة انه من شدة خوف الرجالة عليهم كل رجل هيربط الستات الي في بيته , سواء مامته اخته مراته عمته خالته عشان ولا واحدة تطلع
وهيتبعه كمان اقوام قال عنهم الرسول وجوههم كالمجان المطرقة , والمجن الي هو الترس الي بيستخدموه في الحرب (البتاع الي بيحتموا به من السيوف عامل زي هيكل السلحفاة الي فوقها .. حاجة زي كده )
والمطرقة ده صفة للترس ده فالقوم دول رؤوسهم قصيرة ووجوهم بيضاوية او مدورة وعريضة ومليانة لحم .
الدجال هيعمل ايه لما يخرج ؟
يوم كأنه سنة كاملة ويوم كأنه شهر ويوم كأنه جمعة وال 37 يوم الباقيين هيكونوا ايام طبيعية .
في حاجة مهمة لازم اذكرها هنا لما الرسول ( ص ) قال للصحابة على اليوم الي كأنه سنة كاملة سالوا النبي علطول .. تخيلوا كان ايه سؤالهم ؟؟
محدش فيهم سأل ازاي يعني الشمس هتطلع امتى وتغرب امتى !!طب الشمس هيبقى لونها ايه!! طب الساعات ازاي طب هيبقى حر ولا برد!! طب هيبقى صيف ولا شتاء!!
لالالا الناس دي بتسال الاسئلة الي تفيدها في دينها .
قالو يا رسول الله اليوم الي هيبقى سنة كاملة هيكفينا فيه صلاة يوم واحد ؟؟ ازاي نصلي كانه يوم عادي ؟؟ شايفين السؤال !! قد ايه الناس دي عظيمة كل همهم الصلاة قلوبهم متعلقة بربنا وبالصلاة اشد التعلق (رضي الله عنهم جميعا ) ♥ قال تعالى ( وانها لكبيرة الا على الخاشعين ) ♥ .
فجاوب الرسول وقتها وقلهم ( لا اقدروا له قدره ) بمعنى اتوقعوا امتى هيكون وقت الصلاة .
المهم نكمل بقيت موضوعنا , المسيح الدجال هيجوب كل البلاد بسرعة رهيبة جدا .
يقول صلى الله عليه وسلم كالغيث استدبرته الريح الا مكة والمدينة ميقدرش يدخلهم لان هناك ملائكة تحرسها , معاهم سيوف فيجى الدجال على ابواب المدينة على ارض قرب المدينة يابسة ويشاور ويقول لاتباعه ؟ اترون هذا القصر الابيض ؟ هذا مسجد احمد . ويحاول يدخلها فالملائكة تمنعه .
وتتهز المدينة 3 هزات فيخرج منها كل منافق وكافر ويروحوا يتبعوه .
طيب المسيح الدجال هيعمل ايه بقى وايه الفتن الي هيغري بيها الناس وكمية الناس دي هتصدقه ازاي ؟؟
( والمؤمنين لما يشوفوه يزدادو ايمان مع ايمانهم )
هيدعي الربوبية ويقول للناس انا ربكم اعبدوني .
وفي حديث الرسول بيقول ( انه أعور، وإن ربكم ليس بأعور).
ايه بقى اشكال الفتن دى ؟
ويمر على ناس فيدعوهم ويقلهم انا ربكم اعبدونى فميصدقهوش فيصحوا تانى يوم وارضهم قحط يابسة مفهاش أى خضرة ولا ثمار وانعامهم ومواشيهم تموت واموالهم تنقص .
ويروح على ناس تانية ويدعوهم فيصدقوه فيصبحوا تانى يوم يلاقوا ارضهم خضراء ومليانة مواشى وانعام كتيير شعرها غزير ومليانة لحم وفيها لبن كتيير .
شايفين قد ايه اختبار صعب ؟!!!!!!
يأمر السماء فتمطر والارض فتنبت ( كل ده باذن ربنا طبعااا ) .
ويعدي على الجاهل ويقله لو بعثتلك امك واباك هتصدق وتؤمن اني ربك ؟
فيقله ايوه فيأمر الدجال شيطانين فيتمثلوا في صورة امه واباه ويكلموه بطبيعة الام والاب بحنان وبعطف ويقلوله امن به فانه ربك ! فيصدقه ويتبعه .
ويجى شاب طالب علم يروح للدجال فيسأله الحراس بتوع الدجال انت رايح فين ؟ فيقلهم الى الدجال الكذاب لاقتله , فيقولوا له انت مش بتؤمن بربنا ؟؟
فيقلهم ما بربنا خفاء !! انا بؤمن بربنا من اول ما اتولدت وعارف صفات ربنا كلها صفات كاملة مطلقة عظيمة له الاسماء الحسنى والصفات العلى ♥ , وتريدوا منى ان اؤمن بالدجال الاعور ؟!!! لا والله.
فيطلع حارس سيفه عشان يقتله فيقله التانى لا ربنا (يقصدوا الدجال الي بيعبدوه ) ما امرناش نقتل حد الا بعلمه , فيمسكوه ويودوه للدجال فيقله الدجال الا تؤمن بى ؟؟
فيقله انت المسيح الكداب .
ماهو الشاب عارف و قرا بين عينه كلمة كافر او كفر وعارف صفاته من الرسول كويس وايمانه قوي جدااا .
فيقرب منه الدجال عشان يقتله ويقول لاتباعه لو قتلته واحييته هتؤمنوا بيا ؟؟ فيقولوه نعم فيقسمه الدجال نصين حتة في اليمين وحتة في الشمال قيل بسيف وقيل بمنشار ويمشي الدجال بين النصين ويقول قم فيتجمع النصين ويعود الشاب للحياة مرة اخرى .
والله هو الذى احياه اختبارا للناس .
ويقف الشاب فيسأله الدجال اامنت بي ؟؟ فيرد ويقله والله ما ازددت بك الا يقينا انت المسيح الكداب .
فيأخذ الدجال سكين عشان يدبحه ويتقاتل معاه فربنا يخلى رقبة الشاب نحاس فيحط الدجال السكين فمتدبحش النحاس .
فيأخذه الدجال ويرميه فى ناره الى هى جنة ويلف الشاب للناس وهو فى الجنة ويقلهم متصدقهوووش ده الدجال والله مش هيقدر يعمل فى حد كده الا انا لان الله جعله يقدر يعمل كده فى حد واحد بس فلو جرب يعمل كده تانى مش هيقدر ابداا .
ثواني كده !! ايه النار الي هي جنة الي هيرمي فيها الشاب ؟؟
والرسول امرنا لو حد ادرك الدجال انه يتعوذ بالله من فتنته ويغمض عينه وينزل راسه ويشرب من ناره فناره ماء باااارد .
فقد ايه فتنته عظيمة جدا , ربنا هيديله قدرات غير عادية تبهر العقول عشان محدش ينجو الا اهل الايمان واليقين .
مفيش فتنة من اول خلق سيدنا ادم الى قيام الساعة اعظم من فتنة المسيح الدجال .
يقول الرسول " مَا بَيْنَ خَلْقِ آدَمَ إِلَى قِيَامِ السَّاعَةِ خَلْقٌ أَكْبَرُ مِنْ الدَّجَّالِ "
ولشدة عظم فتنته مفيش نبى الا وحذر قومه منه وكانوا اشدهم تحذير الرسول صلى الله عليه وسلم .
وقال صلى الله عليه وسلم انا اعلم بما مع الدجال منه .
ربنا عرف الرسول حاجات عن الدجال الدجال نفسه ميعرفهاش واخبر الرسول بيها اصحابه كتييير لدرجة ان الصحابة كانوا بيتكلمو عنه فى مسجد الرسول فخرج عليهم وسألهم فيماذا تتحدثون ؟
قالوا يارسول الله نتحدث عن الدجال قد اكثرت علينا فيه يعني كلمتنا عنه كتييير جدا كلمتنا عنه وانت على منبرك وانت في مسجدك واحنا رايحين نغزو حتى ظننا الدجال في اطراف النخل يعني افتكرناه قرب من المدينة قَالَ : (" غَيْرُ الدَّجَّالِ أَخْوَفُنِي عَلَيْكُمْ , إِنْ يَخْرُجْ وَأَنَا فِيكُمْ فَأَنَا حَجِيجُهُ دُونَكُمْ , وَإِنْ يَخْرُجْ وَلَسْتُ فِيكُمْ فَامْرُؤٌ حَجِيجُ نَفْسِهِ .... )
يعني لو طلع وانا موجود بينكم انا المسؤول عن الكلام معاه واسكاته ولو مكنتش فيكم فكل واحد مسؤوول عن نفسه.
حبيبنا الرسول عليه افضل الصلاة والسلام مات وكل واحد مننا مسؤول عن انه ينجي نفسه منه فعشان كده لازم نعرف عنه نعرف صفاته نعرف فتنته نعرف ازاي نقي نفسنا من الفتنة دي
( ... ياحبيبي يارسول الله قد ايه خوفه على امته وحرصه الشديد عليها عليه وكمية الرحمة على امته عليه افضل الصلاة واتم التسليم ♥ ♥ ... بابي انت وامي يارسول لله ♥ ♥ )
وبكده هننهى موضوع النهاردة وهنكمل باقى الاسئلة فى الجزء الثالث والاخير بأذن الله منعا للاطالة , وارجو انى اكون وفقت فى ايصال المعلومة وان يحتسبها الله فى ميزان حسناتى وحسنات كل من تناقل هذه المعلومة .
الجزء الاول من هنا
الجزء الثانى اللى بتقراه ده
الجزء الثالث من هنا
ليست هناك تعليقات:
إرسال تعليق