من هو المسيح الدجال او المسيخ الدجال ؟
المسيح الدجال رجل من بني ادم بشر زينا .
قصير افحج يعني مشيته فيها عيب عشان رجليه بعيدة عن بعض .جسمه ضخم وراسه ضخمة .
وشعره كثييف وجعد مش ناعم .
عينيه الاتنين فيها عيب عينه اليمين عوراء وشبها الرسول وكانها عنبة طافية والشمال عليها جلدة .
ابيض وجبهته واسعة .
شكله وحش اوووي اعوذ بالله .
مكتوب بين عينه (ك ف ر ) او (كافر) يقراها كل مؤمن سواء بيعرف يقرا ويكتب او امي مبيعرفش
ربنا تبارك وتعالى هيوفق المؤمن بايمانه عشان يعرف يقرا الكلمة دي ... الله على الايماااان يارب املا قلوبنا بالايمان .
عقيم لا ولد له .
طيب ليه اسمه المسيح الدجال ؟؟
واتسمى الدجال من الدجل وهو الكذب عشان هيكتر منه الكدب والتدلييس والخلط .
طب انا سمعت ان الدجال هو ابن صياد ... مين ابن صياد ده ؟؟ وهل فعلا هو الدجال ؟؟
المهم الرسول شك ان هو الدجال من صفات كانت فيه فمرة كان الغلام ده بيلعب وكان داخل على سن البلوغ 15 سنة فقرب منه النبي صلى الله عليه وسلم وكان معاه سيدنا عمر رضي الله عنه فساله النبي .. قاله اتشهد اني رسول الله ؟
فرد ابن صياد وقاله "اشهد انك رسول الاميين ".. فسكت النبي فسال ابن صياد نفسه ان بقى النبي قاله اتشهد اني رسول الله ؟ فرد الرسول وقاله "امنت بالله ورسله " .
فحب النبي يختبر هل الصياد وهو صغير كده ده بيستعين بالجن وبيقلوله على حاجات ؟؟ فقاله " يا ابن صياد قد خبات لك خبيئا " ( خبيت عنك كلمة ... ايه هي ؟ خمنها يا ابن صياد )
فقال ابن صياد " الدخ " .. فالنبى قاله " اخسأ فلن تعدو قدرك " يعنى قدرك انك كاهن كداب بتستعمل الجن والشعوذة ده اخرك .
فسأل الصحابه النبى بعد كده ايه هي الكلمة يارسول الله ؟
فقال النبي انزلت عليا سورة الدخان .. فالشياطين قالت لابن صياد جزء من الكلمة الي سمعوها من الملائكة او سمعوها كلها وكل شيطان وهو بينقل لشيطان غيره نقص من الكلمة لغاية ما وصلت لابن صياد ناقصة .
ففضل النبي بيفكر وشاكك بردو هل ده الدجال ؟؟ فقاله عمر رضي الله عنه " ااذن لي ان اضرب عنقه " خليني اقتله ولد زي ده عنده جن وبيستعملهم وبيقول خزعبلات وشعوذة خليني اقتله ... فرد النبي عليه وقاله " ان يكن هو فلن تسلط عليه " يعني اذا ابن صياد ده الدجال فمش هتقدر تقتله ياعمر لان ربنا كتب وقدر ان سيدنا عيسى عليه السلام هو الي هيقتله .. " وان لا يكن هو فلا خير لك في قتله " ملكش حاجة في انك تقتله .
وفي يوم تاني راح له النبي يمكن يعرف المرة دي هو الدجال ولا لا .. فبدا النبي يتخبى ورا النخل ويقرب منه فلقى ابن صياد نايم على جنبه وعمال يتهته بكلام مش واضح فقرب النبي اكتر واكتر هو وصاحبيه سيدنا عمر وابوبكر رضي الله عنهما فلفت ام صياد وقالت يا صاف يا صاف هذا محمد جاءك .. فقال النبي "لو تركته بين " يعني لو بس كانت امه سبته ومندتش عليه كنا سمعنا هو بيقول ايه وعرفنا هل هو الدجال ولا .
وفي مرة تاني سأله النبي ماترى يا ابن صياد ؟ فقال" ارى عرشا على الماء" فقال النبي "ذاك عرش ابليس " .
عرف ابن صياد ده لانه كان مشعوذ وكاهن الجن والشياطين كانوا بيوحو له بحاجات .
مات النبي صلى الله عليه وسلم وفضل الصحابة متحيرين في ابن صياد وكان لبعضهم قصص معاه بس في النهاية محدش عرف هو الدجال ولا لا .
والصحيح عن اقوال اهل العلم ان ابن صياد مش المسيح الدجال بس هو كاهن وعنده شياطين وليه في الشعوذة والحاجات دي وقالوا انه في نهاية حياته ممكن يكون تاب وحاله اتصلح من القصص الي حصلت بينه وبين الصحابة .
فالله اعلى واعلم .
طيب المسيح الدجال فين ؟
هل حد شاف المسيح الدجال قبل كده ؟؟
ولكن جمعتكم عشان تميم الداري الي شايفينه ده كان نصراني وجه واسلم و قالي كلام زي الي كنت بحكيه لكم عن الدجال .. تميم قال للنبي انه خرج في الجاهلية في سفينة مع 30 رجل والبحر هاج وماج بيهم شهر كامل لغاية ما رست السفينة في جزيرة فدخلوا الجزيرة فطلعتلهم دابة شعرها كتيييير جدا لدرجة انهم معرفوش اولها من اخرها وقالوا ويلك ما انتي ؟ فقالت لهم انا " الجساسة " قالوا وما الجساسة؟! .. فردت وقالتهم روحو البيت الي هناك ده ففيه رجل متشوق انه يشفكم ... فخافوا انها تكون شيطانة فراحوا بسرعة للبيت ده فشافوا رجل مشفوش زيه قبل كده رجل عظيم الخلقة جسمه ضخم ومتكتف تكتييف جامد جدا ايده مربوطة لرقبته ورجليه من ركبته لكعبه مربوطة بحديد
فخافو وقالولوه مين انت ؟! قالهم اصبروا شوية وهقلكم عني .. انتو مين ؟ فحكوله قصتهم من اول ما تاهو في البحر لغاية ما قابلو الجساسة .
فقال لهم اخبروني عن نخل بيسان هل يثمر ؟؟ ( بيسان مدينة في فلسيطين ولو شوفتو صور ليها على النت النخل حاليا قل جدااا )
... فقالو نعم ..
قال اما انه يوشك الا يثمر ...
فقال لهم اخبروني عن بحيرة طبرية هل فيها ماء ( بحيرة طبرية موجودة بين الاردن وفلسطين وماؤها في تناقص مستمر يقال وصل مستوى المية فيها للربع ) ...
قالوا هي كثيرة الماء
فقال لهم اما انه يوشك ان يجف ماؤها ...
قال فاخبروني عن عين زغر هل فيه ماء وهل يزرع اهلها بالماء ؟ ( عين زغر موجودة على شاطئ البحر الميت ) ...
قالو نعم هي كثيرة الماء واهلها يزرعون من مائها
قال اما انها توشك ان تجف...
قال فاخبروني عن نبي الاميين ما فعل ؟
قالو خرج من مكة ونزل يثرب (المدينة )
قال هل قاتله العرب ؟
قالو نعم
قال هل صدقه الناس ؟ قالو في الي صدقوه وفيه كدبوه
قال اما انه خير لهم ان يصدقوه .. انا هقلكم دلوقت انا مين ..انا الدجال وعلى وشك انه يؤذن لي بالخروج فهخرج وهلف الارض كلها الا مكة والمدينة على كل باب فيهم ملك ماسك سيف بيحرسها اذا حاولت ادخل منعوني ....
فاخد النبي عصايته وفضل يضرب بيها يضرب بيها يضرب بيها ويقول هذه طيبة هذه طيبة هذه طيبة لا يدخلها الدجال وقال للصحابة " أَلاَ إِنَّهُ فِى بَحْرِ الشَّامِ أَوْ بَحْرِ الْيَمَنِ ، لاَ بَلْ مِنْ قِبَلِ الْمَشْرِقِ ما هُوَ ، مِنْ قِبَلِ الْمَشْرِقِ مَا هُوَ ، مِنْ قِبَلِ الْمَشْرِقِ مَا هُو " يعني اثبات انه من قبل المشرق اكد عليها كتير النبي عليه الصلاة والسلام ..... وشاور النبي صلى الله عليه وسلم مشرق المدينة ومشرق المدينة العراق وايران والله تعالى اعلى واعلم ..
وبكده احنا عرفنا مين هو الدجال ولماذا سمى بهذا الاسم و مواصفات المسيح الدجال ومين الى شافه قبل كده وايه الحوار اللى تم بين الدجال والاشخاص اللى شافوه
علشان منطولش عليكم هنكتفى بهذا القدر وفى الموضوع التالى هنكمل باقى الاسئله وهى
كيف سيخرج الدجال
ما هى البلاد التى سوف يذهب اليها
من هم اتباعه
كيف سيفتن الناس بالرغم من انهم يعلمون انه الدجال الذى حذرنا منه الله ورسوله
ما هى نهايته وكيف نحمى انفسنا من فتنته
الجزء الاول اللى بتقراه ده
الجزء الثانى من هنا
الجزء الثالث من هنا
ليست هناك تعليقات:
إرسال تعليق